Jæja, þá er útskriftin að baki og skólagöngu minni lokið í bili. Það er strax farið að bera ávöxt þar sem samningur er í höfn hjá Mogganum, já Jónasinn er bara að fara að vinna hjá elsta dagblaði landsins. Mikið verð ég feginn að segja skilið við malbikið að eilífu og segja þessum kafla í lífinu lokið.
Það er semsagt gleði í hjarta mínu í dag.

Ok, fyrir 6 árum síðan (1999) vann ég ferð fyrir 2 til útlanda. Ég ákvað að taka Jón frænda með og við skelltum okkur á Roskilde festival. Gott og blessað, nema hvað að núna, 6 árum síðar, hringir Jón í mig og tilkynnir mér það að hann hafi unnið ferð fyrir 2 á einmitt þessa sömu hátíð og tilkynnti mér það að við værum að fara á Roskilde í sumar ... hvað segi ég við því?


JIBBÍ !

Einkunnirnar komnar í hús og eru þær nú ekki af verri endanum. Fékk fjórar einkunnir og landaði 9 í þeim öllum. Útskrift verður semsagt veruleiki þann 24. þessar mánaðar.
Ekkert er ennþá að frétta af vinnutengdum málum en vonandi stendur það til bóta á morgun.

Ég spila ekki á hljóðfæri, en ég get alveg ímyndað mér hvernig það væri. Ef maður er að spila í sinfoníuhljómsveit þá hlýtur maður að kunna sína rullu og vita hvernig á að spila hana og á hvaða hraða. Maður hlustar á hina og fylgir þeim þannig að út komi falleg melódía ..... það sem er að valda mér hugarangri er hvaða hlutverki í þessarri vel æfðu hljómsveit kallinn með prikið hefur (stjórnandinn). Svör óskast á commenti.

Ég var að klippa á mér táneglurnar og ef þér finnst að þú hafir ljótar tær þá get ég alveg lofað þér því að ég er með ljótari tær.

Jæja, þá er skólinn bara afgreitt mál og bara hátíðarhöld framundam með sumri og blómi í haga. Er aðeins farinn að leita fyrir mér á atvinnumarkaðnum og byrjaði á að fara í Moggann. Svörin sem ég fékk þar voru þau að ég kæmi sterklega til greina, hann vildi reyndar fá að sjá verkefnamöppuna mína og heyra frá kennurunum og ég hef engar áhyggjur um að hann fá neikvætt feedback frá þeim.

Vonir eru semsagt bundnar við Moggann eins og stendur. Læt ykkur vita með framhaldið.

Haldið þið ekki að kallinn sé ekki bara orðinn leikari. Skólafélagar mínir voru að gera heimildarmynd sem skólaverkefni í einum áfanganum og fengu mig til að vera einn af viðmælendum, hægt er að horfa á myndina HÉR. (Íslenskt download)